Növbəti maarifləndirici tədbir Şahbuz rayon 1 nömrəli tam orta məktəbinin müəllim və texniki işçi heyətinin iştirakı ilə keçirilib.

Nəşr edilib 05.11.2019 17:18 |

| Baxış sayı: 497

Naxçıvan Muxtar Respublikası Fövqəladə Hallar Nazirliyinin Mülki müdafiə işinin təşkili şöbəsinin və rayon Dövlət Yanğın Təhlükəsizliyi Şöbəsinin əməkdaşlarının və Şahbuz rayon 1 nömrəli tam orta məktəbinin müəllim, texniki işçi heyətinin iştirakı ilə mülki müdafiə, fövqəladə hallardan qorunma və yanğın təhlükəsizliyinin təmin olunması ilə bağlı “Ümumtəhsil məktəblərində mülki müdafiə işinin təşkilinə diqqət artırılmalıdır” mövzusundamaarifləndirici tədbir keçirilmişdir.

Tədbirin əsas məqsədi Şahbuz rayon 1 nömrəli tam orta məktəbinin müəllim-texniki işçi heyətinə mülki müdafiə, fövqəladə hallardan qorunma, fövqəladə halların qarşısının alınması və nəticələrinin aradan qaldırılması, qaz və elektrik təsərrüfatı, dəm qazının yaranmasının qarşısının alınması və yanğın təhlükəsizliyinin təmin edilməsi ilə bağlı müəyyən edilmiş qaydalar haqqında məlumat vermək olmuşdur.

View the embedded image gallery online at:
http://fh.nakhchivan.az/2019-05-23-06-46-50/x%C9%99b%C9%99rl%C9%99r/224-n%C3%B6vb%C9%99ti-maarifl%C9%99ndirici-t%C9%99dbir-%C5%9Fahbuz-rayon-1-n%C3%B6mr%C9%99li-tam-orta-m%C9%99kt%C9%99binin-m%C3%BC%C9%99llim-v%C9%99-texniki-i%C5%9F%C3%A7i-hey%C9%99tinin-i%C5%9Ftirak%C4%B1-il%C9%99-ke%C3%A7irilib.html#sigProIde33c8c2100

Tədbiri giriş sözü ilə açan Nахçıvаn Muхtаr Rеspublikаsı Fövqəlаdə Hаllаr Nаzirliyinin Mülki müdаfiə işinin təşkili şöbəsinin baş məsləhətçisi Əbülfəz Qafarov məişətdə qaz və elektrik təsərrüfatından istifadə zamanı yanğın təhlükəsizliyi qaydaları, istifadə olunmayan məişət-elektrik avadanlıqlarının davamlı olaraq cərəyana qoşulu qalmasının təhlükəli tərəflərindən və dəm qazının yaranmasına səbəb olan amillər, bu amillərin aradan qaldırılması və zəhərlənmə zamaı ilk yardım qaydaları haqqında tədbir iştirakçılarına məlumat verib.

Şahbuz rаyоn Dövlət Yаnğın Təhlükəsizliyi Şöbəsinin Dövlət Yаnğın Nəzаrəti Bölməsinin rəisi dахili хidmət mayoru Adəm Kərimov yаnğınlаrın bаş vеrmə səbəbləri və qаrşısının аlınmаsı üzrə görülən qаbаqlаyıcı tədbirlər haqqında məlumat verib.

Sonda tədbir iştirakçıların verdiyi suallar cavablandırılmış, mövzulara aid video-çarxlar, slaydlar təqdim edilmişdir.

Fövqəlаdə Hаllаr Nаzirliyinin

mətbuаt хidməti