Naxçıvan Muxtar Respublikası Fövqəladə Hallar Nazirliyinin Dövlət Yanğın Təhlükəsizliyi İdarəsinin Naxçıvan şəhər Dövlət Yanğın Təhlükəsizliyi şöbəsinin növbətçi yanğınsöndürmə xidmətlərinin şəxsi heyətinin iştirakı ilə “Ləzzət” Şokolad və Biskvit Fabrikində gündüz məşğələsi keçirilib.
Məşğələnin keçirilməsində məqsəd şöbənin növbətçi yanğınsöndürmə xidmətlərinin şəxsi heyətinə fabrikinin istehsal fəaliyyəti və yanğın təhlükəli sahələri ilə yaxından tanış olmaq, eləcə də yanğın zamanı yanğınsöndürmə bölmələri tərəfindən görüləcək təxirsalınmaz tədbirlər haqqında məlumatlar əldə etməkdəni barətdir.
Məşğələ müddətində şöbənin növbətçi yanğınsöndürmə xidmətlərinin şəxsi heyətinə “Ləzzət” Şokolad və Biskvit Fabrikinin müvafiq vəzifəli şəxsləri tərəfindən müəssisənin istehsalat fəlaiyyəti, yanğına həssas təhlükəli sahələri, istehsal sexləri, hazır məhsul və xammal yığılan anbarlar haqqında ətraflı məlumatlar verilərək, müəssisədə yaradılan könüllü yanğın komandasının rolu və ilkin yanğınsöndürmə vasitələrinin vacibliyindən qeyd olunub.
Təsdiq olunmuş plana əsasən şəxsi heyətin döyüş və peşəhazırlığının artırılması məqsədi ilə fabrikində şərti olaraq baş verən yanğının söndürülməsi və lokallaşdırılması istiqamətində tapşırıqlar icra olunub.