Naxçıvan Muxtar Respublikası Fövqəladə Hallar Nazirliyinin Mülki müdafiə işinin təşkili şöbəsinin əməkdaşları və H.Əliyev adına Uşaq-Gənclər Yaradıcılıq Mərkəzinin heyətinin iştirakı ilə mülki müdafiə, fövqəladə hallardan qorunma və yanğın təhlükəsizliyinin təmin olunması ilə bağlı “Payız-qış mövsümündə obyektlərdə təhlükəsizlik tədbirlərinə diqqət arırılmalıdır” mövzusundamaarifləndirici tədbir keçirilmişdir.
Şərur rayon Dövlət Yanğın Təhlükəsizliyi Şöbəsinin təşkilatçılığı ilə İbadulla kənd İcra Nümayəndəliyində İbadulla və Qışlaqabbas kənd icra nümayəndələrinin, təhsil, səhiyyə işçilərinin və kənd sakinlərinin iştirakı ilə “İnzibati binalarda yanğın təhlükəsizliyinin təşkili diqqət mərkəzində saxlanılır, yaşayış sahələrində təbii qaz və elektrik enerjisindən istifadə zamanı təhlükəsizlik qaydalarına əməl olunması, dəm qazından zəhərlənmə hallarının baş vermə səbəbləri və onun qarşısının alınması” mövzusunda maarifləndirici tədbir keçirilib.
Naxçıvan Muxtar Respublikası Fövqəladə Hallar Nazirliyinin təşkilatçılığı ilə Naxçıvan Tibb Kollecində “Təhsil müəssisələrində yanğın təhlükəsizliyi məsələləri diqqət mərkəzində saxlanılır. Təhsil müəssisələrində yanğın hadisəsi zamanı davranış qaydaları. Yaşayış evlərində və mənzillərdə qaz və elektrik qızdırıcı cihazlarından istifadə zamanı təhlükəsizlik qaydalarına əməl olunması, dəm qazından zəhərlənmə hallarının baş vermə səbəbləri və onun qarşısının alınması” mövzusunda maarifləndirici tədbir keçirilmişdir.
Naxçıvan Dövlət Texniki Kollecində mülki müdafiə, fövqəladə hallardan qorunma və yanğın təhlükəsizliyi məsələləri ilə bağlı maarifləndirici tədbir keçirilmiş, tədbirdə Naxçıvan Dövlət Texniki Kollecinin müəllimləri və bütün ixtisasları üzrə 1-ci kurs tələbələri iştirak etmişdir.