Naxçıvan Muxtar Respublikası

Şərur rayon Dövlət Yanğın Təhlükəsizliyi və Polis Şöbəsinin birgə təşkilatçılığı və Şərur rayon Qaz İstismar İdarəsinin nəzarətçi çilingərləri və  Elektrik Şəbəkəsinin mühəndis və nəzarətçi mühəndislərinin iştirakı ilə “Rayonun yaşayış məntəqələrində qış mövsümü dövründə qaz cihazlarından istifadə zamanı texniki və yanğın təhlükəsizlik qaydalarına əməl olunması, yaşayış sahələrində dəm qazından zəhərlənmə hallarının baş vermə səbəbləri və onun qarşısının alınması ilə bağlı görüləcək qabaqlayıcı tədbirlər” mövzusunda maarifləndirici tədbir keçirilib.

Naxçıvan Muxtar Respublikası Fövqəladə Hallar Nazirliyinin iş planına uyğun olaraq Mülki Müdafiə Alayının bazasında “Fövqəladə hadisələrin nəticələrinin aradan qaldırılması üzrə hərbi hissənin və nazirliyin digər struktur qurumlarının qarşılıqlı fəaliyyətinin təşkili. Zədələnmə ocaqlarında qəza-xilasetmə və digər təxirəsalınmaz işlərin aparılması” mövzusunda taktiki-xüsusi təlim keçirilib.

Culfa rayon Dövlət Yanğın Təhlükəsizliyi Şöbəsinin təşkilatçılığı ilə Culfa şəhər 3 nömrəli tam orta məktəbində yanğın təhlükəsizliyi məsələləri ilə bağlı “Ümumtəhsil məktəblərində yanğın təhlükəsizliyi qaydalarına diqqət artırılmalıdır” mövzusunda maarifləndirici tədbir keçirilmişdir.

Naxçıvan Muxtar Respublikasının Fövqəladə Hallar Nazirliyi və Culfa rayon İcra Hakimiyyətinin birgətəşkilatçılığı ilə rayonunun kənd yaşayış məntəqələrində qış mövsümü dövründə qaz cihazlarından istifadə zamanı texniki və yanğın təhlükəsizlik qaydalarına əməl olunması, yaşayış sahələrində dəm qazından zəhərlənmə hallarının baş vermə səbəbləri və onun qarşısının alınması ilə bağlı görüləcək qabaqlayıcı tədbirlər mövzusunda maarifləndirici tədbir keçirilmişdir.