Naxçıvan Muxtar Respublikası

Naxçıvan Muxtar Respublikası Fövqəladə Hallar Nazirliyinin Mülki müdafiə işinin təşkili şöbəsinin, rayon Dövlət Yanğın Təhlükəsizliyi Şöbəsinin və Şahbuz rayon Mərkəzi Kitabxanasının əməkdaşlarının iştirakı ilə mülki müdafiə, fövqəladə hallardan qorunma və yanğın təhlükəsizliyinin təmin olunması ilə bağlı “Mədəniyyət müəssisələrində mülki müdafiə işinin təşkilinə diqqət artırılmalıdır” mövzusunda maarifləndirici tədbir keçirilmişdir.

Tədbirin əsas məqsədi Şahbuz rayon Mədəniyyət Sarayının işçi heyətinə mülki müdafiə, fövqəladə hallardan qorunma, fövqəladə halların qarşısının alınması  və nəticələrinin aradan qaldırılması, qaz və elektrik təsərrüfatı, dəm qazının yaranmasının qarşısının alınması və yanğın təhlükəsizliyinin təmin edilməsi ilə bağlı müəyyən edilmiş qaydalar haqqında məlumat vermək olmuşdur.
Tədbiri giriş sözü ilə açan Şahbuz rayon Mədəniyyət Sarayının direktoru Mübariz Əliyev maarfiləndirici tədbirin əhəmiyyətindən bəhs etmiş və maddi-mənəvi sərvətlərin yanğın, təbii və texnogen qəzalardan qorunmasında bu cür maarifləndirmə tədbirlərinin əhəmiyyətindən danışmışdır.
Nахçıvаn Muхtаr Rеspublikаsı Fövqəlаdə Hаllаr Nаzirliyinin Mülki müdаfiə işinin təşkili şöbəsinin bölmə rəisi mayor Rəcəb Səfərov  аçаrаq tədbirin mаhiyyəti və “Mədəniyyət müəssisələrində mülki müdafiə işinin aparılması” mövzusunda iştirakçılara ətraflı məlumat vermişdir.
Sonra Mülki müdаfiə işinin təşkili şöbəsinin baş məsləhətçisi Əbülfəz Qafarov muxtar republika üçün ehtimal olunan təbii fəlakətlər haqqında məlumat verib. Məruzəçi təbii və texnogen qəzalar zamanı davranış və fəaliyyət qaydaları, təbii fəlakətlərə hazırlıq, eyni zamanda təbii fəlakətlərdən sonrakı davranış qaydaları haqqında iştirakçılara məlumat verib.
Şahbuz rаyоn Dövlət Yаnğın Təhlükəsizliyi Şöbəsinin Dövlət Yаnğın Nəzаrəti Bölməsinin rəisi dахili хidmət mayoru Adəm Kəimov qaz və elektrik təsərrüfatından istifadə zamanı yanğın təhlükəsizliyi qaydaları, istifadə olunmayan məişət-elektrik avadanlıqlarının davamlı olaraq cərəyana qoşulu qalmasının təhlükəli tərəflərindən və dəm qazının yaranmasına səbəb olan amillər, bu amillərin aradan qaldırılması və zəhərlənmə zamaı ilk yardım qaydaları haqqında tədbir iştirakçılarına məlumat verib.
Sonda tədbir iştirakçıların verdiyi suallar cavablandırılmış, mövzulara aid video-çarxlar, slaydlar  təqdim edilmişdir.

Fövqəlаdə Hаllаr Nаzirliyinin
mətbuаt хidməti